Qozog‘istonda blogerlarning yagona ro‘yxati yaratilmoqda

Qozog‘istonda "Yaxshi yurak" jamoat birlashmasi tomonidan "Fuqarolik tashabbuslarini qo‘llab-quvvatlash markazi" va Qozog‘iston Respublikasi Axborot va ijtimoiy rivojlanish vazirligi ko‘magida "Qozog‘istonni kashf eting" loyihasi doirasida qozog‘istonlik blogerlarning yagona ro‘yxati yaratilmoqda. Bu haqda Nur.kz xabar bermoqda.

Blogerlarning yagona bazasini yaratishdan maqsad blogni zamonaviy OAV vositalaridan biri sifatida rivojlantirish uchun platformani yaratish, shuningdek, blogerlar va davlat o‘rtasidagi hamkorlikning sodiqligi va samaradorligini oshirish uchun Blogerlar Uyushmasini yaratishdir.

Ushbu ro‘yxat yordamida potensial reklama beruvchilar hamkorlik uchun blogerlarni tezda tanlab olishi, ularga qiziqarli treninglar, forumlar, loyihalar va festivallar haqida ma’lumot yuborishi mumkin.

Ma’lumotlar bazasini yaratuvchilar platformani iloji boricha qulayroq qilishga harakat qildi: qidiruv avtomatlashtiriladi va foydalanuvchi turli filtrlarni qo‘llash imkoniyatiga ega bo‘ladi.

Bundan tashqari, bloglarning rivojlanish dinamikasini alohida mintaqalar, blog mavzulari, bloglar tili va boshqa parametrlar nuqtai nazaridan kuzatish mumkin bo‘ladi.

Blogerlarning ro‘yxati nafaqat reklama beruvchi va bloger o‘rtasidagi aloqani soddalashtiradi, balki uning tarkibiga kiradiganlarga ham ko‘p afzalliklarni beradi.

Shunday qilib, masalan, 2020 yilda Qozog‘istonda bloglarni rivojlantirish bo‘yicha bir qator loyihalar amalga oshiriladi va birinchi navbatda yagona bazaning a’zolari ularda ishtirok etish bo‘yicha takliflarni oladi.

Bazaviy ishtirokchilarga bloglarni rivojlantirish bo‘yicha bepul onlayn va oflayn mashg‘ulotlar taklif etiladi. 

Loyiha tashabbuskorlarining fikriga ko‘ra, siz qozoq yoki rus tilidagi blokka ega bo‘lishingiz, Instagram`da kamida 50 ming, You Tube`da 25 ming, Facebook` yoki Twitter`da 10 ming obunachiga ega bo‘lishingiz kerak.

Sahifalardagi nashrlar oxirgi 6 oy davomida oyiga kamida 1 marta nashr etilishi kerak.

Xohlovchilar saytda anketani to‘ldirishi mumkin.