Қозоғистонда блогерларнинг ягона рўйхати яратилмоқда

Олам 533
image

Қозоғистонда "Яхши юрак" жамоат бирлашмаси томонидан "Фуқаролик ташаббусларини қўллаб-қувватлаш маркази" ва Қозоғистон Республикаси Aхборот ва ижтимоий ривожланиш вазирлиги кўмагида "Қозоғистонни кашф этинг" лойиҳаси доирасида қозоғистонлик блогерларнинг ягона рўйхати яратилмоқда. Бу ҳақда Nur.kz хабар бермоқда.

Блогерларнинг ягона базасини яратишдан мақсад блогни замонавий ОAВ воситаларидан бири сифатида ривожлантириш учун платформани яратиш, шунингдек, блогерлар ва давлат ўртасидаги ҳамкорликнинг содиқлиги ва самарадорлигини ошириш учун Блогерлар Уюшмасини яратишдир.

Ушбу рўйхат ёрдамида потенциал реклама берувчилар ҳамкорлик учун блогерларни тезда танлаб олиши, уларга қизиқарли тренинглар, форумлар, лойиҳалар ва фестиваллар ҳақида маълумот юбориши мумкин.

Маълумотлар базасини яратувчилар платформани иложи борича қулайроқ қилишга ҳаракат қилди: қидирув автоматлаштирилади ва фойдаланувчи турли фильтрларни қўллаш имкониятига эга бўлади.

Бундан ташқари, блогларнинг ривожланиш динамикасини алоҳида минтақалар, блог мавзулари, блоглар тили ва бошқа параметрлар нуқтаи назаридан кузатиш мумкин бўлади.

Блогерларнинг рўйхати нафақат реклама берувчи ва блогер ўртасидаги алоқани соддалаштиради, балки унинг таркибига кирадиганларга ҳам кўп афзалликларни беради.

Шундай қилиб, масалан, 2020 йилда Қозоғистонда блогларни ривожлантириш бўйича бир қатор лойиҳалар амалга оширилади ва биринчи навбатда ягона базанинг аъзолари уларда иштирок этиш бўйича таклифларни олади.

Базавий иштирокчиларга блогларни ривожлантириш бўйича бепул онлайн ва офлайн машғулотлар таклиф этилади. 

Лойиҳа ташаббускорларининг фикрига кўра, сиз қозоқ ёки рус тилидаги блокка эга бўлишингиз, Instagram`да камида 50 минг, You Tube`да 25 минг, Facebook` ёки Тwitter`да 10 минг обуначига эга бўлишингиз керак.

Саҳифалардаги нашрлар охирги 6 ой давомида ойига камида 1 марта нашр этилиши керак.

Хоҳловчилар сайтда анкетани тўлдириши мумкин.
 

Акбаржон Абдураимов
Мақолага баҳо беринг
Баҳолаганлар: 2
Рейтинг: 2.8
t
×