Qit’a chempionatida o‘zbek bokschilari yana 5 ta yarim final chiptasini naqd qilishdi

Sport

image

Ayni kunlarda Iordaniya poytaxti Amman shahrida boks bo‘yicha Osiyo chempionati bahslari bo‘lib o‘tmoqda. 6 noyabr kungi dasturda yetti nafar o‘zbek bokschisi ringga ko‘tarildi.

-54 kg vazn toifasida Shahzod Muzaffarov chorak finalda eronlik Mehdi Xusravini mutlaq ustunlik bilan mag‘lubiyatga uchratdi. -57 kda Abdumalik Xalakov ham eronlik bokschi Sajad Muhammadpursamaringa qarshi ringga chiqib, g‘alabaga erishdi. -60 kgda Adhamjon Muhiddinov Tailand vakili Xunatip Pidnuchdan ustun keldi. -63,5 kgda esa Ruslan Abdullayev chorak finalda filippinlik Jeyms Palitsega hech qanday imkoniyat qoldirmadi. O‘zbekiston erkaklar terma jamoasi vakillaridan Asadxo‘ja Mo‘ydinxo‘jayev -67 kgda hindistonlik Amit Kumarga qarshi bahs olib bordi va hakamlar qaroriga muvofiq 5:0 hisobida g‘alabaga erishdi.

Kechagi kungi bahslarda O‘zbekiston ayollar terma jamoasiga omad kulib boqmadi. -48 kgda Farzona Fozilova, -60 kg vazn toifasida Dilfuza Bekova o‘z janglarida imkoniyatni boy berib, turnirdagi ishtiroklarini yakunlashdi.

Ma’lumot uchun, Osiyo chempionati bahslari 13 noyabrga qadar bo‘lib o‘tadi


Maqola muallifi

Teglar

Boks Osiyo chempionati

Baholaganlar

33

Reyting

2.9

Maqolaga baho bering

Doʻstlaringiz bilan ulashing