Қитъа чемпионатида ўзбек боксчилари яна 5 та ярим финал чиптасини нақд қилишди

Спорт 2450
image

Айни кунларда Иордания пойтахти Амман шаҳрида бокс бўйича Осиё чемпионати баҳслари бўлиб ўтмоқда. 6 ноябрь кунги дастурда етти нафар ўзбек боксчиси рингга кўтарилди.

-54 кг вазн тоифасида Шаҳзод Музаффаров чорак финалда эронлик Меҳди Хусравини мутлақ устунлик билан мағлубиятга учратди. -57 кда Абдумалик Халаков ҳам эронлик боксчи Сажад Муҳаммадпурсамаринга қарши рингга чиқиб, ғалабага эришди. -60 кгда Адҳамжон Муҳиддинов Таиланд вакили Хунатип Пиднучдан устун келди. -63,5 кгда эса Руслан Абдуллаев чорак финалда филиппинлик Жеймс Палицега ҳеч қандай имконият қолдирмади. Ўзбекистон эркаклар терма жамоаси вакилларидан Асадхўжа Мўйдинхўжаев -67 кгда ҳиндистонлик Амит Кумарга қарши баҳс олиб борди ва ҳакамлар қарорига мувофиқ 5:0 ҳисобида ғалабага эришди.

Кечаги кунги баҳсларда Ўзбекистон аёллар терма жамоасига омад кулиб боқмади. -48 кгда Фарзона Фозилова, -60 кг вазн тоифасида Дилфуза Бекова ўз жангларида имкониятни бой бериб, турнирдаги иштирокларини якунлашди.

Маълумот учун, Осиё чемпионати баҳслари 13 ноябрга қадар бўлиб ўтади

Шахзод Шукуров
Мақолага баҳо беринг
Баҳолаганлар: 33
Рейтинг: 2.9
Теглар
t
×