Qirolicha Yelizaveta II vafot etgani haqida xabarlar tarqaldi

north_east

Taxtdagi 70 yil. Yelizaveta II o‘zidan keyin kim qirolicha bo‘lishini aytdi

Amerikaning “Hollywood Unlocked” nashri Buyuk Britaniya qirolichasi Yelizaveta II ning vafoti haqidagi xabarni chop etdi.

Fojiali xabar nashrning Instagram akkauntida e’lon qilingan. Xabarda aytilishicha, Bukingem saroyiga yaqin manba monarxning o‘limi haqida xabar bergan.

“U “Vogue” jurnalining britaniyalik muharriri Edvard Enninfulning to‘yida ishtirok etishi kerak edi, biroq o‘lik holda topildi”, deb yozadi “Hollywood Unlocked” ijtimoiy tarmoqdag sahifasida.

Bu xabarni britaniyalik jurnalist Rikardo Bruks darhol rad etdi. U Twitter’dagi sahifasida raddiya yozdi. Unga ko‘ra, Yelizaveta II vafot etgan taqdirda alohida chora-tadbirlar rejasi ishlab chiqilgan.

“Uning o‘limini e’lon qilish uchun puxta ishlab chiqilgan reja bor”, degan Bruks.

Jurnalistning so‘zlariga ko‘ra, qayg‘uli xabarni birinchi bo‘lib VVS xabar qiladi. Qirolichaning shaxsiy kotibi Britaniya Bosh vazirining o‘zi bilan bog‘lanadi.

Avvalroq monarxning koronavirus yuqtirgani ma’lum bo‘lgandi. 95 yashar Qirolicha sovuq qotish va isitmalash kabi alomatlarni boshidan kechirayotgani aytilgandi.