95 яшар Қиролича Елизавета II коронавирусга чалинди

north_east

Тахтдаги 70 йил. Елизавета II ўзидан кейин ким қиролича бўлишини айтди

Англия тахти эгаси, Қиролича Елизавета II коронавирусга чалинди. Бу ҳақда бугун, 20 февраль куни Букингем саройи расмий равишда эълон қилган.  

Яқинда тахтга ўтирганига 70 йил тўлган, 95 яшар Қиролича совуқ қотиш ва иситмалаш каби аломатларни бошидан кечираётгани айтилмоқда. Аммо қайд этилишича, Елизавета кейинги ҳафтада Виндзор саройидан туриб ўз ваколатидаги енгил вазифаларни бажаришда давом этади.

“У тиббий ёрдам олишда давом этиб, барча тегишли кўрсатмаларга амал қилади”, дея қўшимча қилган Қироличанинг аҳволи ҳақида маълум қилган Букингем саройи. 

Эслатиб ўтамиз, жорий йил 6 февраль куни Англия қироличаси Елизавета II нинг тахтга ўтирганига 70 йил тўлиши муносабати билан Букингем саройида расмий тадбир уюштирилган эди. Қироличанинг “Платинум юбилейи”га бағишланган тадбирнинг асосий қисми ёз ойларида, 3-5 июнь кунлари ўтказилиши режалаштирилган. 

Елизавета II Англия тарихида ўзининг “Платинум юбилейи”ни нишонлаётган биринчи монарх ҳисобланади. У 1952 йилнинг 2 февраль куни отаси Георг VI вафотидан кейин қироллик тахтини эгаллаган.