Isroil Suriya va Livanga zarba berdi
Olam
−
30 Oktabr 2023 17180 1 daqiqa
30 oktyabrga o‘tar kechasi Isroil ikki marta Suriyadan nishonga olingani haqida xabar berdi. Isroil armiyasi bunga javoban o‘q uzdi. Bu haqda mamlakat mudofaa kuchlari ma’lum qildi.
Bildirilishicha, Suriya hududidan Isroil tomon bir necha marta snaryadlar uchirilgan. Snaryadlar ochiq maydonga tushgan. Isroil mudofaa kuchlari uchirilgan pozitsiyalarga javoban o‘q uzgan.
Bundan tashqari, mamlakat mudofaa kuchlari Isroil hududi tomon raketa uchirilishiga javoban Livandagi “Hizbulloh” infratuzilmalariga havo hujumlarini amalga oshirgan.
Urilgan nishonlar orasida “Hizbulloh”ning qo‘mondonlik, nazorat infratuzilmasi va boshqa harbiy ob’ektlari ham bor.
Eslatib o‘tamiz, avvalroq Isroil havo kuchlari samolyotlari blokada ostidagi G‘azo sektorida joylashgan yana bir masjidni bombardimon qilgandi.
