Isroil Madrimov jangoldi “face-to-face” marosimida qatnashdi (video)

Professional boksning super yarim o‘rta vazn toifasida faoliyat olib borayotgan o‘zbekistonlik Isroil Madrimov Virjil Ortisga qarshi jang oldidan “nigohlar to‘qnashuvi” marosimida ishtirok etdi.

22 fevral kuni Saudiya Arabistonida tashkil etiladigan boks oqshomida super yarim o‘rta vazn toifasi vaqtinchalik WBC kamari uchun Madrimov amerikalik Virjil Ortisga qarshi ringga ko‘tariladi. 

Kechaning markaziy jangida yarim og‘ir vazn toifasida mutlaq jahon chempioni rossiyalik Artur Beterbiyev yana bir bor hamyurti Dmitriy Bivolga qarshi barcha kamarlarini himoya qiladi.

Ma’lumot o‘rnida, Isroil Madrimov oxirgi jangini 2024 yilning 24 avgustida P4P reytingi yetakchilaridan biri amerikalik Terens Kroufordga qarshi o‘tkazgan va ochkolar hisobiga ko‘ra mag‘lub bo‘lgan edi. Madrimovning rekordi 10-1-1. Ortis esa 2024 yilning 24 avgustida ukrainalik Sergey Bogachukni mag‘lub etib, WBO Interim kamarini qo‘lga kiritgan edi. Virjilning rekordi 22-0.