Gruziyaning sobiq prezidenti AQSH oliygohidan ish topdi

Gruziyaning sobiq prezidenti Salome Zurabishvili AQSHning Arizona universiteti negizida tashkil etilgan Makkeyn institutiga ishga kirdi. Bu haqda institut saytida e’lon qilindi.

Makkeyn instituti ijrochi direktori Evelin Farkasning so‘zlariga ko‘ra, Salome Zurabishvili “siyosiy jasorat va davlat boshqaruvi ideallari”ning namunasidir. 

“Makkeyn institutining ilmiy xodimi sifatida Zurabishvili o‘zining katta diplomatik, yetakchilik va siyosiy tajribasidan yangi saylovlar o‘tkazish va mamlakatini demokratik rivojlantirishga undaydi”, deyiladi Gruziya sobiq rahbarining yangi ishi e’lonida.

Eslatib o‘tamiz, 2024 yilning 14 dekabr kuni Gruziyada prezidentlik saylovlari bo‘lib o‘tgan, unda davlat rahbari lavozimiga yagona da’vogar, hukmron “Gruziya orzusi” partiyasidan Mixail Kavelashvili g‘alaba qozongandi. U saylovchilarning 225 ovozidan 224 tasini oldi.

13 dekabr kuni Zurabishvili vakolat muddati tugaydigan 29 dekabrdan keyin prezident saroyini tark etish niyatida emasligini aytdi. Biroq respublika Bosh vaziri Irakliy Kobaxidze, agar u shunday qilsa, jinoiy javobgarlikka tortilishi bilan tahdid qildi. Oxir-oqibat, u saylovlarni noqonuniy deb atadi, ammo Kavelashvilining inauguratsiyasi kuni prezidentlik qarorgohini tark etdi.