Germaniya Ukraina qarshi hujumga o‘tishi uchun 1000 dan ortiq “spetsnaz”ni tayyorlab bermoqda 

Nemis instruktorlari Germaniyadagi o‘nlab harbiy bazalarda mingdan ortiq ukrainalik askarlarni shahar jangiga tayyorlamoqda. Bu haqda “Bild” nashri xabar berdi. 

Ma’lum qilinishicha, Ukraina maxsus kuchlariga Germaniyadagi o‘nlab harbiy bazalarda jangovar harakatlar olib borish va og‘ir texnikalar, jumladan, Leopard 2 tanklari va o‘ziyurar Panzerhaubitze 2000 gaubitsalaridan foydalanish o‘rgatilmoqda. 

Eslatib o‘tamiz, hozirda Ukraina qarshi hujumga tayyorgarlik ko‘rmoqda. Hujum qachon boshlanishiga aniqlik kiritilmagan, biroq u bahorning oxiri va yozning boshlarida amalga oshirilishi mumkinligi taxmin qilinyapti.

Avvalroq AQSH va Avstraliya armiyasining iste’fodagi generallari Ukraina qachon hujumga o‘tishi, bunda asosiy maqsad qaysi hududlarni qaytarib olish ekani, mamlakatning kuchli va kuchsiz tomonlari haqida batafsil ma’lumot bergandi. Shuningdek, AQSH Ukrainaning qarshi hujumidan o‘zgarish bo‘lishiga shubha qilmoqda.