Germaniya Bashar Asadni davlat terrorizmida aybladi 

Olam

image
0:00
0:00
download

Germaniya Tashqi ishlar vaziri Xayko Maas Suriya Prezidenti Bashar Asadni davlat terrorizmida aybladi.  

Xayko Maas bu haqda "EuropaCamp 2021" konferensiyasi paytida so‘z ochgan. 

"Suriyada inson huquqlari doimiy ravishda buzib kelinadi, biz bunga tez-tez guvoh bo‘lamiz", degan Maas.

Uning ta’kidlashicha, shu sababli G‘arb davlatlari Suriya Hukumati bilan aloqa o‘rnatishga va muzokaralarni boshlashga tayyor emas. 

"Bu urush davom etar ekan, men G‘arb davlatlari hamjamiyati orasida Asad bilan bu urushni qanday tugatish haqida muhokama qilishga tayyor bo‘lgan odamni ko‘rmayapman", deb qo‘shimcha qilgan vazir. 

Eslatib o‘tamiz, joriy yil 26 may kuni Suriyada prezidentlik saylovi bo‘lib o‘tadi. Hozirga qadar Suriya Prezidentligi uchun olti kishi, shu jumladan Bashar Asad ham ariza topshirgan.


Maqola muallifi

Teglar

Bashar Asad

Baholaganlar

97

Reyting

2.9

Maqolaga baho bering

Doʻstlaringiz bilan ulashing