Favoritlar mundial bilan xayrlashishi mumkin

Qatarda bo‘lib o‘tayotgan Jahon chempionatida "E" va "F" guruhlarida ikkinchi o‘yinlari yakunlandi. Uning natijalariga ko‘ra Qatardan keyin pley-offga chiqish imkoniyatini boy bergan yana bir jamoa aniqlandi – bu Kanada.

"E" guruhi

Kosta-Rika Yaponiyani 1:0 hisobida mag‘lub etdi. Yagona gol Keysher Fuller tomonidan kiritildi. Ushbu g‘alaba evaziga kosta-rikaliklar pley-off yo‘llanmasi uchun kurashga qo‘shildi. Yana bir uchrashuvda Ispaniya mundailni kutilmagan natija bilan boshlagan Germaniya bilan 1:1 hisobida durang o‘ynadi. Bu uchrashuvda Alvaro Morata nemislar darvozasiga, Niklas Fyullkrug esa ispanlar darvozasiga gol urdi.

Endi Ispaniya pley-offga chiqish uchun Yaponiyaga yutqazmasa kifoya. Mag‘lub bo‘lsa, Luis Enrike shogirdlari 3-turda Kosta-Rika Germaniyaga qarshi o‘yinda g‘alaba qozona olmasa, qo‘shimcha ko‘rsatkichlar bo‘yicha guruhdan chiqishi mumkin.

Yaponiya Ispaniyani mag‘lub etsa, 1/8 finalga chiqadi. Durang ham kifoya qiladi, ammo Germaniya Kosta-Rika bahsida durang qayd etilishi kerak. 

Kosta-Rika Germaniyani mag‘lub etsa, albatta pley-offda o‘ynaydi. Durang bo‘lsa, so‘nggi turda Ispaniyaga muxlislik qiladi.

Guruhdan chiqish uchun Germaniya Kosta-Rikani mag‘lub etishi kerak. Yaponiya esa ispanlarga yutqazsa, nemis terma jamoasi pley-offga yo‘l oladi. Agar Yaponiya Ispaniyaga qarshi o‘yinda g‘alaba qozonsa yoki durang o‘ynasa, nemislar qo‘shimcha ko‘rsatkichlar bo‘yicha ikkinchi o‘rinni egallashi mumkin. Lekin, bunday bo‘lishi dargumon, chunki Luis Enrike jamoasida to‘plar nisbati bo‘yicha juda yaxshi ko‘rsatkich bor.

"E" guruhidagi yakuniy o‘yinlar. 1 dekabr

00:00. Kosta-Rika - Germaniya;

00:00. Yaponiya - Ispaniya.

"F" guruhi

"F" guruhi 2-turida Belgiya Marokashga 0:2 hisobida imkoniyatni boy bergan bo‘lsa, Xorvatiya Kanadani mag‘lub etdi – 4:1. Shu tariqa, Kanada terma jamoasi Jahon chempionatining pley-off bosqichiga chiqish imkoniyatidan mahrum bo‘ldi. Marokash ustidan g‘alaba qozongan taqdirda, kanadaliklar, maksimal guruhda faqat 3-o‘ringa umid qilishlari mumkin.

1/8 finalga chiqish uchun Xorvatiya Belgiyaga yutqazmasligi kerak. Agar Zlatko Dalich shogirdlari bir ochko ham qo‘lga kirita olmasa, 2-o‘rinni egallashi mumkin.

Marokashda pley-offga chiqish uchun bir nechta variant bor:

•  Kanadani mag‘lub etish;

•  Kanada bilan durang o‘ynash va so‘nggi turda Xorvatiyani yutqazmasligi;

•  Kanadaga mag‘lub bo‘lish va 3-turda Xorvatiyaning g‘alabasiga umid qilish;

•  Kanadaga yutqazish va Belgiya g‘alaba qozonsa yoki durangga erishsa, qo‘shimcha ko‘rsatkichlar bo‘yicha guruhdan chiqish.

"F" guruhidagi yakuniy uchrashuvlar. 1 dekabr

20:00. Kanada - Marokash;

20:00. Xorvatiya – Belgiya.