Фаворитлар мундиал билан хайрлашиши мумкин

Қатарда бўлиб ўтаётган Жаҳон чемпионатида "E" ва "F" гуруҳларида иккинчи ўйинлари якунланди. Унинг натижаларига кўра Қатардан кейин плей-оффга чиқиш имкониятини бой берган яна бир жамоа аниқланди – бу Канада.

"E" гуруҳи

Коста-Рика Японияни 1:0 ҳисобида мағлуб этди. Ягона гол Кейшер Фуллер томонидан киритилди. Ушбу ғалаба эвазига коста-рикаликлар плей-офф йўлланмаси учун курашга қўшилди. Яна бир учрашувда Испания мундаилни кутилмаган натижа билан бошлаган Германия билан 1:1 ҳисобида дуранг ўйнади. Бу учрашувда Алваро Мората немислар дарвозасига, Никлас Фюллькруг эса испанлар дарвозасига гол урди.

Энди Испания плей-оффга чиқиш учун Японияга ютқазмаса кифоя. Мағлуб бўлса, Луис Энрике шогирдлари 3-турда Коста-Рика Германияга қарши ўйинда ғалаба қозона олмаса, қўшимча кўрсаткичлар бўйича гуруҳдан чиқиши мумкин.

Япония Испанияни мағлуб этса, 1/8 финалга чиқади. Дуранг ҳам кифоя қилади, аммо Германия Коста-Рика баҳсида дуранг қайд этилиши керак. 

Коста-Рика Германияни мағлуб этса, албатта плей-оффда ўйнайди. Дуранг бўлса, сўнгги турда Испанияга мухлислик қилади.

Гуруҳдан чиқиш учун Германия Коста-Рикани мағлуб этиши керак. Япония эса испанларга ютқазса, немис терма жамоаси плей-оффга йўл олади. Агар Япония Испанияга қарши ўйинда ғалаба қозонса ёки дуранг ўйнаса, немислар қўшимча кўрсаткичлар бўйича иккинчи ўринни эгаллаши мумкин. Лекин, бундай бўлиши даргумон, чунки Луис Энрике жамоасида тўплар нисбати бўйича жуда яхши кўрсаткич бор.

"E" гуруҳидаги якуний ўйинлар. 1 декабрь

00:00. Коста-Рика - Германия;

00:00. Япония - Испания.

"F" гуруҳи

"F" гуруҳи 2-турида Бельгия Марокашга 0:2 ҳисобида имкониятни бой берган бўлса, Хорватия Канадани мағлуб этди – 4:1. Шу тариқа, Канада терма жамоаси Жаҳон чемпионатининг плей-офф босқичига чиқиш имкониятидан маҳрум бўлди. Марокаш устидан ғалаба қозонган тақдирда, канадаликлар, максимал гуруҳда фақат 3-ўринга умид қилишлари мумкин.

1/8 финалга чиқиш учун Хорватия Бельгияга ютқазмаслиги керак. Агар Златко Далич шогирдлари бир очко ҳам қўлга кирита олмаса, 2-ўринни эгаллаши мумкин.

Марокашда плей-оффга чиқиш учун бир нечта вариант бор:

•  Канадани мағлуб этиш;

•  Канада билан дуранг ўйнаш ва сўнгги турда Хорватияни ютқазмаслиги;

•  Канадага мағлуб бўлиш ва 3-турда Хорватиянинг ғалабасига умид қилиш;

•  Канадага ютқазиш ва Бельгия ғалаба қозонса ёки дурангга эришса, қўшимча кўрсаткичлар бўйича гуруҳдан чиқиш.

"F" гуруҳидаги якуний учрашувлар. 1 декабрь

20:00. Канада - Марокаш;

20:00. Хорватия – Бельгия.