Endi NASA platformasida jonli kosmik seriallarni tomosha qilish mumkin

NASA o‘zining jonli translyatsiyalari va original striming xizmatini ishga tushiradi. Namoyish etib boriladigan fazoviy seriallar bepul va reklamasiz taqdim etiladi. Bu haqda agentlik saytida xabar berildi.

Koinot agentligi o‘zining yangilangan raqamli strategiyasining bir qismi sifatida o‘z platformasini ishga tushirganini e’lon qildi. Endi NASA+ xizmati 2023 yilning yozidan faoliyatini boshlashi aytilgan.

Platformada agentlikning jonli efirlarini kuzatish va NASA kosmik sarguzashtlar haqidagi seriallarni tomosha qilish mumkin. Ayni paytda bir nechta original loyihalarni suratga olish rejalashtirilgan.

Shuningdek, koinot agentligi tadqiqot loyihalari haqidagi ma’lumotlarni birlashtirish uchun veb-sayti va mobil ilovasini yangilash ustida ishlaydi. Saytning yangilangan versiyasi allaqachon test rejimida mavjud.

Eslatib o‘tamiz, NASA oltin to‘la asteroidga kosmik kema yubormoqchiligi ma’lum qilingandi.

Akobir Sayidov