Dunyoning 20 ta mamlakatini qo‘rqinchli ocharchilik kutmoqda

Yaqin oylarda Afrikaning to‘rt mamlakatining oziq-ovqat zaxirasi butunlay tugaydi. Bu haqda Birlashgan Millatlar Tashkilotining Oziq-ovqat va qishloq xo‘jaligi tashkiloti saytida xabar berilgan.

Ma’lumotga ko‘ra, Afrikaning Burkina-Faso, Yaman, Janubiy Sudan va Nigeriya mamlakatlari aholisiga kuchli ochlik tahdid qilmoqda. 

Bunga ushbu mamlakatlardagi ichki mojarolar, iqtisodiy tanazzul, ekstremal iqlim va koronavirus pandemiyasi sabab qilib ko‘rsatilmoqda. 

Shuningdek, dunyo bo‘ylab yana 16 mamlakatni ochlik muammosi qiynashi kutilmoqda. Aynan qaysi davlatlar haqida gap ketayotganiga esa aniqlik kiritilmagan.

BMTning Oziq-ovqat va qishloq xo‘jaligi tashkiloti vakili Dominik Byurjon xalqaro hamjamiyatni ushbu mamlakatlarda oziq-ovqat tanqisligi kuchayib ketishining oldini olish uchun shoshilinch choralar ko‘rishga chaqirdi.

Avvalroq, 2020 yil boshidan beri sayyoramizda kamida 7 million kishi ochlikdan vafot etgani haqida xabar bergandik.