Dog‘iston kurashining kalitini topishimiz kerak – Volkanovski 

Avstraliyalik yengil vazn toifasida amaldagi UFC chempioni Aleks Volkanovski rossiyalik Islom Maxachevga qarshi bo‘lajak jang haqida fikr bildirdi. Bu haqda “UFC YouTube” kanali xabar berdi.

“Biz Dog‘iston kurashining kalitini topishimiz kerak, chunki ular nima qilayotganlarini yaxshi biladi. Dog‘iston sportchilari kuchli, qat’iyatli, bardoshli – lekin men o‘zgarmayman. Ularda texnik ustunlik bo‘lmaydi, chunki biz shunga yarasha tayyorgarlik ko‘ryapmiz. Men bo‘lajak jangga tayyorman. Odamlarning men haqimda noto‘g‘ri fikrda ekanligini isbotlashni sabrsizlik bilan kutyapman”, deydi Volkanovski. 

12 fevralga o‘tar kechasi Avstraliyaning Pert shahrida UFC 284 turnirida Islom Maxachev va Aleks Volkanovski o‘rtasida yengil vazn toifasida chempionlik kamari uchun jang bo‘lib o‘tadi.

Eslatib o‘tamiz, 25 yanvar kuni Volkanovski tezlikda Maxachevdan ustunlik qilishini ta’kidlagandi.