Dilshodbek Ro‘zmetovning navbatdagi jangi tasdiqlandi
Sport
−
16 fevral 2023 2462
O‘zbekistonlik professional bokschi Dilshodbek Ro‘zmetovning navbatdagi jangi sanasi va raqibi ma’lum bo‘ldi. Bu haqda “World boxing promotions” o‘z sahifasida xabar berdi.
Ma’lum bo‘lishicha, Ro‘zmetov faoliyatidagi ikkinchi jangini 5 mart tongida Meksikada tashkil etiladigan boks oqshomi doirasida mezbon Xesus Palomaresga qarshi o‘tkazadi. Meksikadagi turnirda yana bir O‘zbekiston vakili Elnur Abduraimov ham ringga ko‘tariladi.
Hozirgi vaqtda ikkala bokschi ham AQSHda mashg‘ulot o‘tkazib, jangga tayyorgarlik ko‘rmoqda.
Ma’lumot uchun, Ro‘zmetov profbokdagi dastlabki jangini 2021 yil 17 dekabr kuni Toshkentda rossiyalik Maksim Smirnovga qarshi o‘tkazib, g‘alaba qozongandi. Dilshodbek havaskor boksda bir qator yaxshi natijalarni qayd etgan. U havaskorlar o‘rtasida Jahon chempionati kumush medali sohibi va Osiyo chempioni hisoblanadi.
