Dard ustiga chipqon. KXDRda noma’lum bezgak tarqalmoqda
Olam
−
13 may 2022 6998
Shimoliy Koreyada noma’lum bezgak avj oldi. Bu haqda Janubiy Koreyaning “Yonhap” agentligi Koreya markaziy telegraf agentligiga (KMTA) asoslanib xabar berdi.
Agentlik ma’lumotlariga ko‘ra, epidemiya 350 ming kishini qamrab olgan, ulardan 162 ming nafari allaqachon davolangan. Biroq epidemiyaning koronavirus infeksiyasi bilan bog‘liqligi aniqlanmagan.
Shimoliy Koreyada COVID-19 bilan kasallanishning birinchi holati 12 may kuni e’lon qilindi. “Yonhap” agentligining yozishicha, 8 may kuni bemorlardan testlar olingan, ularning natijalari “omicron” shtammi bilan kasallanganini ko‘rsatgan. Keyin respublika rasmiylari “maksimal favqulodda vaziyat” sharoitida viruslarni nazorat qilish tizimini ishga tushirishni e’lon qildi.
12 may holatiga ko‘ra, so‘nggi ma’lumotlarga ko‘ra, KXDRda kuniga 18 mingta koronavirus holati aniqlangan, 6 kishi infeksiya tufayli vafot etgan.
Live
Barchasi
