Daniya ukrainaliklarni muzeydagi tanklar bilan jangga tayyorlamoqchi

Daniya harbiylari ukrainaliklarni tayyorlash uchun muzeylardan Leopard tanklarini olib ketdi. Bu haqda “Forbes” nashri xabar berdi.

Nashrga ko‘ra, Daniyaning uchta muzeyi rahbariyati “darhol mashg‘ulotlar boshlanishi uchun” mamlakat harbiy xizmatchilariga oltita tank taqdim etgan. Jurnalning aniqlik kiritishicha, muzey kolleksiyalaridagi nusxalar qirollik armiyasida xizmat qilayotgan 100 dan ortiq mashinadan ko‘ra yaxshiroq holatda saqlangan.

Daniya Mudofaa vazirligining xabar berishicha, 8 sentyabr kuni birinchi 10 ta Daniya Leopard 1A5 tanklarining partiyasi Ukrainaga yetib kelgan.

Eslatib o‘tamiz, avvalroq Buyuk Britaniya Bosh vaziri Rishi Sunak Ukrainaga tanklar otryadini yuborishga rozi bo‘lgani va Royal Forces Challenger 2’ning to‘rtta asosiy jangovar tanki zudlik bilan Sharqiy Yevropaga jo‘natilishi va tez orada yana sakkizta zirhli texnika ham Ukrainaga yetib kelishi haqda yozgan edik.