Buxoroda do‘kon yerto‘lasidagi portlash oqibatida bir kishi halok bo‘ldi

3-sahifa

−

01 mart 2024 visibility9123 timer1 daqiqa

Bugun, 1 mart kuni Buxorodagi avtomobil ehtiyot qismlari do‘konlaridan birining yerto‘lasida portlash yuz berdi. Oqibatda bir kishi halok bo‘ldi. Bu haqda Favqulodda vaziyatlar vazirligi matbuot xizmati xabar berdi.

Voqea soat 08:57 larda Buxoro shahri “Yoshlik” MFYdagi Alpomish ko‘chasida joylashagan ikki qavatli binoning 1-qavatidagi avtomobil ehtiyot qismlari do‘konining yerto‘lasida sodir bo‘lgan.

Portlash oqibatida 1-qavatning 2 dona beton plitasi qulab tushgan.

“Chaqnash sababi va zarari aniqlanmoqda. Voqea joyida yong‘in sodir bo‘lmagan”, deyiladi xabarda.

Dastlabki ma’lumotlarga ko‘ra, hodisa oqibatida 1 nafar fuqaro olgan tan jarohatlari bilan voqea joyida xalok bo‘lgan va yana 1 nafar fuqaro turli darajadagi tan jarohatlari bilan shifoxonaga yuborilgan.

Holat yuzasidan dastlabki tergovoldi surishtiruv ishlari olib borilmoqda.

Maqola muallifi