Bugundan Toshkent metrosida ona-bola xonasi va hojatxona ishga tushiriladi
Jamiyat
−
23 fevral 2022 5174
Bugun, 23 fevral soat 15:00dan boshlab Toshkent metropolitenida yo‘lovchilar uchun ona-bola xonasi va hojatxona foydalanishga topshiriladi. Bu haqda “Toshkent metropoliteni” DUK Matbuot kotibi Mirakbar Tolipov QALAMPIR.UZ’ga ma’lum qildi.
“Yangilik dastlab Chilonzor metro bekatida yo‘lga qo‘yildi. Bu o‘zini oqlasa, yo‘lovchilar gavjum bo‘lgan boshqa bekatlarda ham joriy qilinadi”, deydi Mirakbar Tolipov.
Uning so‘zlariga ko‘ra, metrodagi hojatxona jamoat transportida haq to‘lamay harakatlanish huquqiga ega bo‘lgan imtiyozli shaxslar bepul foydalanishi mumkin.
Avvalroq, Toshkent metropolitenida yo‘lovchilarga qulaylik yaratish maqsadida hojatxonalar qurilishi mumkinligi haqida xabar bergan edik.
