BMTning taqdiri hal bo‘lishi kutilmoqda. Tashkilotga ishonchsizlik ortgan

north_east

Oktyabr va noyabr oylarida koronavirusdan o‘lim holatlari ko‘payadi – JSST

north_east

JSST koronavirusga qarshi ommaviy emlash qachon boshlanishini taxmin qildi

Birlashgan Millatlar Tashkilotining (BMT) olmos yubileyi global pandemiya fonida nishonlanadi. 

Har yili dunyo rahbarlari, minglab diplomatlar va nodavlat tashkilotlar vakillarini bir davraga yig‘adigan BMT Bosh assambleyasining 75-sessiyasi bu yil yangi turdagi koronavirus paydo bo‘lishi sababli onlayn tarzda o‘tkaziladi. 

Agar ilgari sentyabr oyining oxirida Nyu-York mehmonxonalarida BMT sammitida qatnashish uchun kelgan mehmonlar oqimi tufayli bo‘sh joy topishning iloji bo‘lmagan bo‘lsa, bu yil Amerika metropolida tinchlik hukmron bo‘ladi. 

Bu yil tashkilot 75 yilligini nishonlayotganiga qaramay, BMT Bosh assambleyasining navbatdagi sessiyasi noodatiy shaklda o‘tkaziladi. 

Koronavirus pandemiyasi va 14 kunlik karantin fonida dunyo rahbarlari Nyu-Yorkka 22 sentyabr sammitiga uchmaydilar, balki Internet orqali xabar yuboradilar. 

AQSH Prezidenti Donald Tramp sammitda ishtirok etadimi yoki yo‘qmi, u mezbon sifatida tashkilotda normal formatda qatnashadigan yagona rahbar bo‘lishi mumkinligi hali ham aniq emas. 

BMTning hozirgi sammitida Ikkinchi Jahon Urushidan beri insoniyat uchun eng katta tahlika hisoblangan koronavirus pandemiyasi, Suriya, Liviya, Yaman va Afg‘onistonda davom etayotgan mojarolar, iqlim o‘zgarishi, ochlik, qochqinlar, irqchilik va ksenofobiya kabi global muammolarga umumiy yechimlar izlanadi.  

Shu bilan birga, BMT Bosh kotibi Antoniu Guterrishning so‘zlariga ko‘ra, faqat shaxsiy muloqot diplomatiya samaradorligining zaruriy shartidir. 

BMT tarixidagi birinchi virtual sammit global muammolarni bartaraf etish uchun qanday samarali yechimlar ko‘rilishini belgilaydi. 

BMT dunyoda xavfsizlik va tinchlikni ta’minlay olmagani uchun tobora ko‘proq tanqid qilinmoqda. Tashkilot tomonidan qabul qilingan qarorlarning samaradorligi tobora ko‘proq shubha ostiga olinmoqda va uning xalqaro maydonga ta’siri susaymoqda. Shu munosabat bilan BMTning bo‘lajak sammiti tashkilotning kelajak taqdirini hal qilishi kutilmoqda. 

Dunyo siyosatchilarining fikricha, BMT o‘zini gumanitar yordam sohasida yetakchi sifatida ko‘rsatsa-da, tashkilot Isroil-Falastin mojarosi, Kipr muammosi, Suriya inqirozi va boshqa ko‘plab global inqirozlarni hal qilish uchun yechim topa olmadi. 

Ma’lumotlarga ko‘ra, koronavirus pandemiyasi tufayli yil oxiriga qadar 250 milliondan ortiq odam ochlikdan o‘lishi mumkin.