Birinchi xonim Ziroat Mirziyoyeva rahbarligida yangi loyiha taqdim etildi
Jamiyat
−
08 may 2021
15288“Zamin Eco-Education” nomli yangi keng ko‘lamli loyiha taqdim etildi. Dasturning ochilishiga bag‘ishlangan tantanali tadbir 5-may kuni Nukusda bo‘lib o‘tdi. Bu haqda Ziroat Mirziyoyeva boshchiligadi “Zamin” fondining ijtimoiy tarmoqlardagi sahifalarida xabar berildi.
Ma’lum qilinishicha, “Zamin” fondi eko-ta’limni zamonaviy turmush tarzining muhim asosi deb biladi. Loyihaning maqsadi atrof-muhit borasida mas’uliyatli avlodni tarbiyalash hisoblanadi.
“Eko-ta’lim atrof-muhitni muhofaza qilish masalalari bo‘yicha qarorlarni qabul qilishda jamoatchilik fikrini hisobga olishga, jamoat tashkilotlarini jalb qilishga undaydi. Eko-ta’lim barqaror rivojlanishdagi muhim omil va samarali ekologik siyosatning asosidir”, deyiladi xabarda.
Dastur Ekologik ta’lim fondi (Daniya Qirolligi), UNEP va “Ted-Ed” bilan hamkorlikda amalga oshirilib, bir nechta mustaqil tarkibiy qismlarni o‘z ichiga oladi: “Eco-Schools”, "Green Key", "Earth School" xalqaro loyihalari.
Qayd etilishicha, UNICEF va FAO bilan hamkorlikda sanitariya va gigiyena, to‘g‘ri ovqatlanish bo‘yicha bir nechta ma’rifiy tadbirlarni o‘tkaziladi. Bolalar uchun eko-oromgoh, eko-festivallar, davra suhbatlari va anjumanlar tashkil etiladi.
Eslatib o‘tamiz, avvalroq “Zamin” fondi rahbari Ziroat Mirziyoyeva boshchiligida “Zamin Education” ta’lim platformasi va sinflari ochilgandi.
LiveBarchasi
07 noyabr 2023
07 noyabr 2023
07 noyabr 2023