Belarus samolyotlari yadro quroliga aylantirildi – Shoygu

Belarus harbiy-havo kuchlarining ayrim samolyotlari yadro quroliga aylantirildi. Bu haqda Rossiya Mudofaa vaziri Sergey Shoygu Qurolli kuchlar qo‘mondonligi bilan uchrashuvda ma’lum qildi. 

"Endilikda Belarus quruqlikdagi hujum samolyotlarining ba’zilari dushman nishonlariga yadroviy qurol bilan zarba berish qobiliyatiga ega bo‘ldi", deydi Shoygu.

Mudofaa vazirligi rahbarining ta’kidlashicha, bu NATO birlashgan kuchlarining jangovar tayyorgarligi oshishi va alyansning Rossiya va Belarus chegaralari yaqinida razvedka faoliyati faollashganiga javoban amalga oshirilmoqda.

Mart oyi oxirida Vladimir Putin Moskva va Minsk Belarusda taktik yadro qurolini joylashtirishga kelishib olganini e’lon qilgan edi. 

Eslatib o‘tamiz, oldinroq Rossiya Prezidenti Vladimir Putin Moskva Minsk tomonining iltimosiga ko‘ra, o‘zining taktik yadroviy qurollarini Belarusga joylashtirishini ma’lum qilgandi. Shundan so‘ng, Ukraina Yevropadan Moskvaga qarshi sanksiyalarni kuchaytirishni so‘ragandi. Belarusda taktik yadro qurolini joylashtirish ehtimoliga javoban BMT Xavfsizlik kengashining navbatdan tashqari yig‘ilishini zudlik bilan chaqirish taklif qilingan edi.