Futzal. O‘zbekiston Quvaytni yirik hisobda mag‘lub etdi
Sport
−
23 Sentabr 2023 3452
Bugun, 23 sentyabr kuni O‘zbekiston futzal terma jamoasi Toshkentdagi yig‘in doirasida Quvayt vakillariga qarshi o‘rtoqlik uchrashuvida maydonga tushdi. Mazkur bahsda Bahodir Ahmedov shogirdlari mehmon jamoani 3:0 ko‘rinishidagi hisob bilan mag‘lubiyatga uchratdi.
O‘zbekiston vakillari o‘yinning dastlabki bo‘limini faol boshladi va Davron Choriyev 3-daqiqada raqib darvozasini ishg‘ol qildi. Ikkinchi gol esa 16-daqiqada Sunnat Jo‘rayev muallifligida amalga oshirildi. Bahsning birinchi 20 daqiqaligi 2 ta gol bilan yakuniga yetdi.
Ikkinchi bo‘limda ham ustunlik to‘liq o‘zbekistonlik sportchilar tomonida bo‘ldi va Elbek To‘lqinov 38-daqiqada jamoaning so‘nggi golini urdi – hisob 3:0.
Shu tariqa quvaytliklar yirik hisobdagi mag‘lubiyatni qabul qilib olgan holda uyiga qaytadigan bo‘ldi.
Live
Barchasi
