1 dekabrdan yo‘ldagi qoidabuzarliklar uchun jarima miqdori oshadi

O‘zbekistonda 1 dekabrdan yo‘l harakati qoidalarini buzganlik uchun jarima miqdori oshiriladi. Jarimalar narxining oshishi bazaviy hisoblash miqdori (BHM)ning o‘zgarishi bilan bog‘liq. 

Ma’lumki, BHM 1 dekabrdan 3 foizga ko‘payib, 340 ming so‘m etib belgilanmoqda.

Shunday qilib, yangi tartibga ko‘ra, turli xil yo‘l harakati qoidalarini buzganlik uchun jarimalar miqdori quyidagicha bo‘ladi:

1. Xavfsizlik kamarini taqmaganlik – 170 000 so‘m;
2. Texnik ko‘rikdan o‘tkazish qoidalarini buzganlik, birinchi tibbiy yordam qutisi yo‘qligi – 170 000 so‘m;
3. Kerakli hujjatlarsiz avtomobilni boshqarish – 340 000 so‘m;
4. Sug‘urta yo‘qligi – 340 000 so‘m;
5. Svetoforning qizil chirog‘ida o‘tish – 680 000 so‘m;
6. Noto‘g‘ri to‘xtash joyi – 680 000 so‘m;
7. Avtomobilni boshqarishda mobil telefondan foydalanish – 1 020 000 so‘m;
8. Avtomobilni davlat raqamisiz boshqarish – 1 700 000 so‘m;
9. Belgilangan tezlikdan 20 km/soatga oshib ketish - 340 000 so‘m;
10. Belgilangan tezlikdan 20-40 km/soatga oshib ketish - 1 700 000 so‘m;
11. Tezlikni 40 km/soat dan ortiq oshirish – 3 060 000 so‘m;
12. Qarshi chiziqda harakatlanish – 3 400 000 so‘m;
13. Mast holda transport vositasini boshqarish – 8 500 000 so‘m va 3 yilgacha avtomobil boshqarish huquqidan mahrum qilish;
14. Tegishli ruxsatnomasiz oynalarni qoraytirish – 8 500 000 so‘m.

Jarimalardagi ushbu o‘zgarishlar 2023 yil 1 dekabrdan kuchga kiradi.

Eslatib o‘tamiz, O‘zbekiston Respublikasi Prezidentining 17 noyabrdagi “Ish haqi, pensiyalar va nafaqalar miqdorini oshirish to‘g‘risida”gi 196-sonli farmoni bilan joriy yil 1 dekabrdan ish haqi, pensiyalar va ijtimoiy nafaqalar 7 foizga oshirilgandi.