AstraZeneca vaksinasi tarkibida cho‘chqa unsurlari bormi?

Olam 4249
image

Avvalroq, Indoneziya Oliy musulmon kengashi koronavirusga qarshi ingilz-shved AstraZeneca koronavirus vaksinasi tarkibida cho‘chqa go‘shtidan olinadigan tripsin moddasi borligini aytib chiqqandi.

Kecha, 21 mart kuni AstraZeneca'ning Indoneziyadagi vakili Rizmon Abudayri shu masalada bayonot berdi. Unda vaksina ishlab chiqaruvchilari koronaviruga qarshi ishlab chiqqan vaksinasi tarkibida shariatda taqiqlangan cho‘chqa unsurlari yo‘qligini ma’lum qildi.

“Bu vektor virusli vaksinani ishlab chiqarish jarayonining hech bir bosqichida cho‘chqa yo boshqa hayvonlardan olinadigan biror unsurdan foydalanilmaydi, bu kabi unsurlarning ishlab chiqarish jarayonlariga aloqasi yo‘q”, deyiladi rasmiy chiqishda.

Ma’lumot uchun, Indoneziyaning Oliy musulmon kengashi AstraZeneca vaksinasi tarkibida cho‘chqaning oshqozonosti bezidan olingan tripsin moddasi borligini aytib, uni harom deb fatvo bergandi. Lekin kengash preparatni faqat pandemiya sharoitidagina favqulodda qo‘llashni ma’qullagan.

Eslatib o‘tamiz, O‘zbekiston COVAX dasturi doirasida hozirgacha 660 ming doza AstraZeneca vaksinasini qabul qilib oldi.

Sunnatilla Abdullayev
Maqolaga baho bering
Baholaganlar: 157
Reyting: 3
Teglar
t
×