Andijonda 7 bemor koronavirusdan sog‘aydi
Jamiyat
−
06 may 2020 4683
Bugun, 6 may Andijon shahridagi viloyat yuqumli kasalliklar shifoxonasida koronavirus infeksiyasiga chalingan navbatdagi 7 nafar bemor butkul sog‘aydi. Bu haqda Andijon viloyati hokimligi Matbuot xizmati xabar berdi.
Shifo topgan fuqarolar koronavirus infeksiyasiga chalingan bemorlar bilan muloqot orqali kasallikni yuqtirib olgan.
Ular viloyat hokimligi hamda sog‘liqni saqlash boshqarmasi mas’ullari ishtirokida reabilitatsiya uchun kuzatildi.
Ayni vaqtgacha mamlakat bo‘ylab koronavirusdan sog‘ayganlar 1508 nafarga yetdi.
Eslatib o‘tamiz, O‘zbekistonda koronavirusni yuqtirib olish bilan bog‘liq ilk holat joriy yilning 15 mart kuni qayd etilgan edi. Hozirgacha virus yuqtirganlar 2217 nafarni tashkil qilyapti. Bugungacha bemorlarning 10 nafari vafot etgan.
Qadrli yurtdoshlar, karantin davrida zarurat bo‘lmasa, ko‘chaga chiqmang. Vaqtni oilangiz, farzandlaringiz davrasida o‘tkazing. Unutmang, #UydaHayotBor
Live
Barchasi07 noyabr 2023
07 noyabr 2023
07 noyabr 2023
