Alisher Usmonov singlisiga qarshi ayblovlar bo‘yicha sudda g‘olib chiqdi

north_east

Alisher Usmonov YeI Kengashini sudga berishi mumkin

Germaniyaning Gamburg viloyat sudi rossiyalik tadbirkor Alisher Usmonovning ijtimoiy tarmoqlarda tadbirkor o‘z singlisidan foydalanib, Shveysariya banklaridagi hisob raqamlaridagi aktivlarini yashirgani haqida da’vo qilgan Germaniya fuqarosiga qarshi da’vosini qanoatlantirdi. Bu haqda Usmonovning advokati ma’lum qildi.

Advokat Yoaxim Shtaynxefelning aytishicha, sud Alisher Usmonov va uning yaqinlariga qo‘yilgan sanksiya ayblovlari hech qanday fakt bilan tasdiqlanmaganini yana bir bor isbotlagan. Uning so‘zlariga ko‘ra, sanksiyalar va obro‘ jurnalistik xatolarga bog‘liq bo‘lmasligi kerak.

Aytilishicha, 2025 yilning sentyabrida Germaniya fuqarosi o‘zining ijtimoiy tarmoqdagi sahifasida boshqa narsalar qatori Usmonov “Credit Suisse’dagi hisobvaraqalarning haqiqiy egasi sifatida o‘z singlisi Saodat Narziyevadan foydalangani” haqidagi xabarni e’lon qilgan.

Muallif uni olib tashlashdan bosh tortgach, Usmonov Gamburg viloyat sudiga murojaat qilgan, sud bayonotni noqonuniy va uning huquqlari buzilgan deb topgan.

“Sud qarorini buzish har bir qoidabuzarlik uchun 250 ming yevrogacha jarima yoki olti oygacha va jami ikki yilgacha ma’muriy qamoqqa sabab bo‘lishi mumkin. Endi bahsli post olib tashlandi”, dedi advokat.

Advokatning so‘zlariga ko‘ra, Narziyeva 2022 yilning aprelida Yevropa Ittifoqi va Buyuk Britaniyaning sanksiya ro‘yxatiga kiritilgan. Bunga Britaniyaning “The Guardian” gazetasi va Uyushgan jinoyatchilik va korrupsiya haqida xabar berish loyihasi (OCCRP) jurnalistlar konsorsiumi manbalariga asoslanib, Usmonov Narziyevaga “katta boyliklarni” o‘tkazgani va u uning akasi bilan bog‘liq bo‘lgan 27 ta Shveysariya bankidagi hisob raqamlarining egasi bo‘lgani haqidagi iddaolarga asoslanadi.

Usmonov va Narziyevaning vakillari bu ayblovlarni rad etdi. Xususan, ular Credit Suisse ichki va to‘liq bo‘lmagan ma’lumotlarini noto‘g‘ri talqin qilgani isbotlangan. 2022 yilning sentyabrida Yevropa Ittifoqi Kengashi Narziyevani sanksiyalar ro‘yxatidan chiqarib tashladi va shu bilan unga nisbatan cheklov choralarini qo‘llash uchun asoslar noto‘g‘ri ekanini amalda tan oldi. Biroq, Buyuk Britaniyaning unga qarshi sanksiyalari o‘z kuchida.

“Gamburg sudi qarori, Narziyeva xonim avvalroq Yevropa Ittifoqi Kengashining sanksiya ro‘yxatidan chiqarilgani bilan birga, unga nisbatan sanksiyalar yolg‘on asoslar bilan qo‘yilgani va ular hali ham saqlanib qolgan barcha yurisdikiyalarda bekor qilinishi kerakligini bildiradi”, deydi advokat Yoaxim Shtaynxefel.

2023 yildan beri Usmonovning advokatlari butun dunyo bo‘ylab ommaviy axborot vositalaridan 15 ta sud buyrug‘i va 86 ta to‘xtash to‘g‘risidagi buyruq oldi, bu esa milliarder haqidagi yuzlab nomaqbul maqolalar va minglab nashrlarga tuzatishlar olib tashlandi. Masalan, 2024 yilning yanvarida Gamburg viloyat sudi Forbes USA nashriga Usmonovning Vladimir Putin bilan aloqasi borligi haqidagi ma’lumotlarni tarqatishni taqiqlagan edi.

Eslatib o‘tamiz, avvalroq rasmiy Budapesht sakkiz nafar rossiyalik Yevropa Ittifoqining sanksiyalar ro‘yxatidan chiqarilmasa, Rossiyaga qarshi Yevropa sanksiyalarini uzaytirishga veto qo‘yishga tayyorligini ma’lum qilgan edi. Vengriyaning ushbu ro‘yxatida Alisher Usmonov va uning singlisi Gulbahor Ismoilova ham bor edi.