Afrikada yangi mojaro boshlanmoqda (video)

M23 harakatining Ruanda tomonidan qo‘llab-quvvatlanayotgan Kongo isyonchilari Kongo Demokratik Respublikasi sharqidagi yirik Goma shahrini egallab olganini e’lon qildi. Bu haqda “Reuters” xabar berdi.

Ma’lum qilinishicha, 26 yanvar kuni Ruanda armiyasi tomonidan qo‘llab-quvvatlangan M23 guruhining isyonchilari Goma chekkalariga bostirib kirib, ommaviy vahima va aholining qochib ketishiga sabab bo‘lgan. 

Bugun, 27 yanvar kuni isyonchilar Kongoning markaziy qismiga kirgan. “Reuters” agentligiga ko‘ra, ular butun shahar ustidan nazoratni saqlab qolgani haligacha aniq emas. Mahalliy aholi va rasmiylarga ko‘ra, Kongo hukumat armiyasi va BMT tinchlikparvar kuchlari hamon aeroportda qochib ketish niyatida qolmoqda.

“Shaharda tartibsizlik hukm surmoqda. Aeroport yaqinida askarlarni ko‘ryapmiz, lekin men M23 ni hali ko‘rmadim. Do‘konlarni talon-toroj qilish holatlari ham bor”,  degan guvohlardan biri.

Aytilishicha, Goma markazida va Ruanda bilan chegaraga yaqinroq joyda tartibsiz otishma ovozi eshitilgan.

Qayd etilishicha, oldinroq isyonchilar Gomaning asosiy ta’minot yo‘llaridan biridagi muhim shahar Minova va Kongo DR armiyasining asosiy mudofaa pozitsiyasi bo‘lgan Sakeni nazorati ostiga olgan. 24 yanvar kuni ular Shimoliy Kivu harbiy gubernatorini otib o‘ldirgan va 25 yanvar kuni Gomadagi hukumat qo‘shinlariga taslim bo‘lishi uchun 48 soat vaqt bergan.

Kecha, 26 yanvar kuni bo‘lib o‘tgan Xavfsizlik kengashida BMT tinchlikparvar missiyasi rahbari Bintu Keyta jangarilar tirik qalqon sifatida foydalanilayotgan tinch aholining doimiy ko‘chirilishi tezlashganini aytgan.

“Yo‘llar to‘silgan, M23 havo bo‘shlig‘ini yopiq deb e’lon qildi, biz tuzoqqa tushdik”, degan u.

Ruandaning BMTdagi elchisi, agar Kongo DR hukumati “tinchlik tarafdori ekanligini” ko‘rsatganida, hozirgi keskinlashuvning oldini olish mumkinligini aytgan.