Abbosbek Fayzullayev dubl qayd etgan o‘yinda SSKA g‘olib bo‘ldi
Sport
−
28 Sentabr 13003
Futbol bo‘yicha Rossiya Premer Ligasining 10-turi doirasida SSKA “Ahmat”ga qarshi bahs olib bordi.
Moskvaning SSKA klubi jamoasi raqibi ustidan 3:0 hisobida g‘alaba qozondi.
Abbosbek Fayzullayev esa o‘yinda dublni rasmiylashtirdi. 19 va 50-daqiqalarda o‘zbekistonlik futbolchi golga mualliflik qildi. Yana bir gol Xelven hisobiga yozildi.
SSKA 17 ochko bilan musobaqa jadvalida 4-o‘rinda bormoqda.
SSKA – Axmat 3:0
"VEB Arena"
Gollar: 1:0 – 19 Fayzullayev, 2:0 – 42 Xelven, 3:0 – 50 Fayzullayev.
Ogohlantirishlar: Kamilo (11), Samorodov (83), Kislyak (83).
Eslatib o‘tamiz, avvlroq O‘zbekiston milliy terma jamoasi va Moskvaning SSKA klubi a’zosi Abbosbek Fayzullayevning transfer narxi 6 million yevroga yetdi. Bu bilan u O‘zbekistonning eng qimmat futbolchisiga aylandi. Bu borada Fayzullayev 28 yoshli O‘zbekiston milliy terma jamoasi sardori Eldor Shomurodovni ortda qoldirdi.
Live
Barchasi
