Ahmadaliyev himoya jangi bo‘yicha kelishuvga erishdi
Sport
−
04 yanvar 2023 7789
Eng yengil vazn toifasi (-55 kg)da IBF va WBA kamarlari sohibi, o‘zbekistonlik bokschi Murodjon Ahmadaliyev filippinlik Marlon Tapalesga qarshi himoya jangini o‘tkazadi. Bu haqda “BoxingScene” nashri xabar berdi.
Manbaga ko‘ra, ikkala bokschi ham jangning moliyaviy tomonlari bo‘yicha kelishib olgan. Hozircha jang sanasi va o‘tkazilish joyi ma’lum emas, lekin to‘qnashuv 2023 yilning ilk choragida yoki aprel oyining oxirida bo‘lishi taxmin qilinmoqda.
Ma’lumot uchun, Ahmadaliyev 2022 yil iyun oyida amerikalik Ronni Rios (33-3)ni mag‘lubiyatga uchratib, o‘ziga tegishli WBA va IBF kamarlarini uchinchi bor muvaffaqiyatli himoya qilgan, Tapales esa oxirgi jangini o‘tgan yilning may oyida meksikalik Xose Estrella (23-19-1)ga qarshi o‘tkazib, muddatidan avval g‘alaba qozongandi.
Live
Barchasi
