9 oyda O‘zbekistonga 10,5 mln dollarlik elektromobil import qilingan
Jamiyat
−
28 Oktabr 2021 4016
Joriy yilning yanvar-sentyabr oylarida O‘zbekistonga 9 ta xorijiy davlatdan 558 ta elektromobil import qilingan. Bu haqda Davlat statistika qo‘mitasi ma’lum qildi.
Qayd etilishicha, 9 ta xorijiy davlatdan import qilingan elektromobillarning umumiy qiymati 10,5 million AQSH dollarini tashkil qiladi.
Joriy yilning 9 oyida quyidagi davlatlardan elektromobillar import qilingan:
Xitoy – 499 ta;
Turkiya – 24 ta;
Litva – 13 ta;
Germaniya – 8 ta;
AQSH – 6 ta;
Janubiy Koreya – 5 ta;
Ispaniya – 1 ta;
Rossiya – 1 ta;
Gonkong – 1 ta.
Ma’lumot uchun, elektromobil importi o‘tgan yilning mos davri bilan solishtirilganda 476 taga yoki qariyb 7 baravarga oshgan.
Avvalroq, joriy yilning sentyabr oyida O‘zbekistonga xorijdan 57 ta elektromobil import qilingani haqida xabar bergandik.
Live
Barchasi
