2021 yil 4 yanvardan ID-kartalar berish boshlanadi
Jamiyat
−
25 dekabr 2020
233732021 yilning 4 yanvaridan O‘zbekistonda ID-kartalar berish va biometrik pasportlarni shunday kartalarga almashtirish boshlanadi. Bu haqda QALAMPIR.UZ`ga Toshkent shahar IIBB Migratsiya va fuqarolikni rasmiylashtirish boshqarmasi boshlig‘i, polkovnik Ulug‘bek Mirzaqambarov ma’lum qildi.
Uning ta’kidlashicha, ID-kartalarini olish uchun hech qanday maxsus hujjatlar talab etilmaydi, faqat paspot, ariza va davlat boji – bazaviy hisoblash miqdorining 89 foizi (198 470 so‘m) to‘lanishi lozim.
Shuningdek, ID-karta bir ish kunida beriladi (amaldagi biometrik pasportlarni 15 kun kutish kerak). Doimiy yashash manzilida ro‘yxatdan o‘tish o‘zgargan taqdirda kartani almashtirish talab etilmaydi.
Shu bilan birga, fuqaro ID-karta olish uchun biometrik pasport kabi ro‘yxatdan o‘tgan joyiga borishi shart emas. Masalan, “propiska”si boshqa viloyatda bo‘lgan fuqaro Toshkentd ham ID-karta olishi mumkin.
ID-karta fuqarolarga quyidagi amal qilish muddatlariga beriladi:
• tug‘ilgan kunidan boshlab bir yoshgacha – ikki yil muddatga;
• bir yoshdan 16 yoshgacha – 5 yil muddatga;
• 16 yoshdan oshgan shaxslarga – 10 yil muddatga.
Fuqaro 14 yoshdan boshlab ID-karta rasmiylashtirishda barmoq izlarini topshirishi shart.
Biometrik pasportlar hamda yashash guvohnomalari ID-kartalarga quyidagi muddatlarda almashtiriladi:
Birinchi bosqich – 2021 yil 1 yanvardan 2022 yil 31 dekabrgacha ixtiyoriylik asosida (16 yoshga to‘lganda yoki qonunchilikda ko‘rsatilgan boshqa sabablarga ko‘ra);
Ikkinchi bosqich – 2023 yil 1 yanvardan 2029 yil 31 dekabrgacha majburiy tartibda almashtiriladi.
O‘zbekiston fuqarosining 2011 yilgi namunadagi biometrik pasporti 2030 yil 1 yanvardan boshlab haqiqiy emas deb hisoblanadi.
LiveBarchasi
07 noyabr 2023
07 noyabr 2023
07 noyabr 2023