Taxiatosh IESda bug‘-gaz qurilmasi ishga tushirildi

Qoraqalpog‘iston Respublikasi va Xorazm viloyati aholisini elektr energiyasiga bo‘lgan ehtiyojini to‘liq qoplash maqsadida bugun, 3 aprel kuni Taxiatosh IESda 280 MVt quvvatdagi dastlabki bug‘-gaz qurilmasi ishga tushirildi. Bu haqda Energetika vazirligi Matbuot xizmati ma’lum qildi.

Ushbu yirik investitsion loyiha O‘zbekiston Prezidentining 2017 yil 11 sentyabrdagi Taxiatosh IESda  230-280 MVt quvvatga ega ikkita gaz-bug‘ qurilmalarini qurish” investitsiya loyihasini amalga oshirishga oid qo‘shimcha chora-tadbirlar to‘g‘risida”gi qaroriga muvofiq bajarilmoqda.

Loyiha zamonaviy texnologiyalar asosida Janubiy Koreyaning Hyundai Engineering va Hyundai Engineering & Construction kompaniyalari konsorsiumi bilan hamkorlikda amalga oshirilmoqda.

Ma’lumot uchun, Taxiatosh IESda amalga oshirilayotgan loyihaning umumiy quvvati 560 MVt bo‘lib, iyul oyida to‘liq ishga tushirilishi rejalashtirilgan.