Ўзбекистоннинг ўйинига энг кўп томошабин йиғилди

2026 йилги Жаҳон чемпионати гуруҳ босқичининг биринчи туридан сўнг энг кўп мухлис ташриф буюрган ўйинлар маълум бўлди. Рейтингда Мексика – Жанубий Африка Республикаси ҳамда Ўзбекистон – Колумбия учрашувлари етакчилик қилди. Бу ҳақда FIFA хабар берди.

Қайд этилишича, Мексика – ЖАР ҳамда Ўзбекистон – Колумбия баҳсини Мехикодаги “Ацтека” стадионидан 80 824 нафар мухлис бевосита томоша қилган. Учинчи ўриндан Бразилия – Марокаш учрашуви жой олган. Мазкур баҳсга 80 663 нафар мухлис ташриф буюрган. Шунингдек, энг кўп томошабин йиғган ўйинлар ўнталигидан қуйидаги баҳслар ҳам ўрин олди:

• Франция ва Сенегал – 80 545 томошабин;
• АҚШ ва Парагвай – 70 492;
• Англия ва Хорватия – 70 389;
• Эрон – Янги Зеландия – 70 108;
• Нидерландия ва Япония – 69 285; Аргентина ва Жазоир – 69 045;
• Португалия ва Конго ДР – 68 777.

Шу тариқа, Ўзбекистон терма жамоасининг Жаҳон чемпионатидаги дебют учрашуви турнирнинг энг катта аудитория йиғган баҳсларидан бири сифатида қайд этилди.

Элатиб ўтамиз, Ўзбекистон миллий терма жамоаси биринчи турда Колумбияга қарши майдонга тушди ва 3:1 ҳисобидаги мағлубиятни қабул қилиб олди. Ўзбекистон терма жамоасининг Жаҳон чемпионатидаги илк голини эса Аббосбек Файзуллаев киритганди.