O‘zbekistonning o‘yiniga eng ko‘p tomoshabin yig‘ildi

2026 yilgi Jahon chempionati guruh bosqichining birinchi turidan so‘ng eng ko‘p muxlis tashrif buyurgan o‘yinlar ma’lum bo‘ldi. Reytingda Meksika – Janubiy Afrika Respublikasi hamda O‘zbekiston – Kolumbiya uchrashuvlari yetakchilik qildi. Bu haqda FIFA xabar berdi.

Qayd etilishicha, Meksika – JAR hamda O‘zbekiston – Kolumbiya bahsini Mexikodagi “Asteka” stadionidan 80 824 nafar muxlis bevosita tomosha qilgan. Uchinchi o‘rindan Braziliya – Marokash uchrashuvi joy olgan. Mazkur bahsga 80 663 nafar muxlis tashrif buyurgan. Shuningdek, eng ko‘p tomoshabin yig‘gan o‘yinlar o‘ntaligidan quyidagi bahslar ham o‘rin oldi:

• Fransiya va Senegal – 80 545 tomoshabin;
• AQSH va Paragvay – 70 492;
• Angliya va Xorvatiya – 70 389;
• Eron – Yangi Zelandiya – 70 108;
• Niderlandiya va Yaponiya – 69 285; Argentina va Jazoir – 69 045;
• Portugaliya va Kongo DR – 68 777.

Shu tariqa, O‘zbekiston terma jamoasining Jahon chempionatidagi debyut uchrashuvi turnirning eng katta auditoriya yig‘gan bahslaridan biri sifatida qayd etildi.

Elatib o‘tamiz, O‘zbekiston milliy terma jamoasi birinchi turda Kolumbiyaga qarshi maydonga tushdi va 3:1 hisobidagi mag‘lubiyatni qabul qilib oldi. O‘zbekiston terma jamoasining Jahon chempionatidagi ilk golini esa Abbosbek Fayzullayev kiritgandi.