Шомуродов “Рома”ни тарк этиши мумкин
Спорт
−
25 Декабрь 8173
“Рома” ҳужумчиси Элдор Шомуродов қишки трансфер ойнасида клубини ўзгартириши мумкин. Бу ҳақда журналист Николо Скира ўз Х саҳифасида маълум қилди.
Манбага кўра, жамоа бош мураббийи Клаудио Раньери ҳужумчининг хизматларига қизиқмаяпти. Шомуродов ва Рим клуби ўртасидаги амалдаги шартнома 2027 йилнинг ёзида якунига етади.
“Рома” раҳбарияти клуб балансидаги молиявий юкни камайтирмоқчи ва шунинг учун ҳам 29 ёшли Шомуродовнинг сотишдан манфаатдор.
Маълумот учун, Элдор 2021 йилнинг ёзида “Женоа”дан римликлар сафига қўшилганди. Бунгача у “Ростов”, “Специя” ва “Кальяри” клубларида тўп сурган. Жорий мавсумда Шомуродов “бўрилар” сафида 12 та учрашувда иштирок этиб, 2 та гол урди ва 1 та голли узатмага муаллифлик қилди.
