Шакира Қирғизистонда концерт беради

Колумбиялик машҳур хонанда Шакира яқин вақтларда Қирғизистон пойтахти Бишкекда концерт беради. Бу ҳақда Қирғизистон Президенти ишлар бошқармаси раҳбари Канибек Туманбаев маълум қилди.

Туманбаев ижтимоий тармоқда Шакиранинг видеосини жойлаштириб, “Тез орада “Бишкек Арена”да! Кутяпсизми?” деган ёзув қолдирган. Ҳозирча хонанданинг Бишкекдаги чиқиши санаси ва концертнинг бошқа тафсилотлари расман эълон қилинмаган.

Янги “Бишкек Арена” 51 минг томошабинга мўлжалланган. Аввалроқ ушбу мажмуада VI Жаҳон кўчманчилар ўйинларининг очилиш маросими бўлиб ўтган ва унда америкалик хонанда Николь Шерзингер иштирок этганди.

Маълумот учун, Шакира футбол олами билан ҳам яқин боғлиқ. У “Барселона” ва Испания терма жамоасининг собиқ ҳимоячиси Жерар Пике билан узоқ йиллик муносабатда бўлган. Жуфтлик 2011 йилда муносабатларини оммага ошкор қилган ва икки нафар фарзандли.

Колумбиялик хонанда 2010 йилги Жаҳон чемпионатининг расмий қўшиғига айланган “Waka Waka (This Time for Africa)” таронаси билан ҳам футбол мухлисларига яхши таниш.

Эслатиб ўтамиз, Шакира жорий йил бўлиб ўтган Жаҳон чемпионатида финалида ҳам чиқиш қилганди.