Саидов Лавровдан ички ишларга аралашмасликни талаб қилди

Жамият

−

11:20visibility9463

Кеча, 26 сентябрь куни Нью-Йоркда БМТ Бош Ассамблеясининг 79-сессияси доирасида Ўзбекистон Республикаси Ташқи ишлар вазири Бахтиёр Саидовнинг Россия Федерацияси Ташқи ишлар вазири Сергей Лавров билан учрашувида давлатлар бир-бирларининг ички ишларига аралашмаслик тамойилига амал қилиши муҳимлиги таъкидланди. Бу ҳақда Саидов ўзининг Telegram-каналида ёзди.

"Ўзаро ишончни мустаҳкамлаш йўлида давлатлар бир-бирларининг ички ишларига аралашмаслик тамойилига амал қилиш муҳимлиги таъкидланди. Биз иттифоқчилик руҳидаги доимий мулоқотимизни давом эттиришга келишиб олдик", дейди Ўзбекистон Ташқи ишлар вазири.

Шунингдек, вазирлар стратегик шерикликнинг долзарб мавзулари, шунингдек, бўлажак олий ва юқори даражадаги тадбирларга тайёргарлик кўриш юзасидан атрофлича суҳбат ўтказган. Анъанага кўра, ҳамкорлик кун тартиби кенг бўлиб, барча соҳаларни қамраб олган.

Россия ТИВнинг мазкур учрашув ҳақидаги баёнотида эса вазирлар миллатлараро муросасизлик кўринишларига қарши курашиш зарурлигига алоҳида эътибор қаратгани айтилади.

Эслатиб ўтамиз, аввалроқ Тошкент шаҳрининг Чилонзор туманидаги 188-мактабда ўқитувчи рус тили дарсида ўқувчисини калтаклагани ҳақида хабар берилган эди. Шундан сўнг Россия Ташқи ишлар вазирлиги расмий вакили Мария Захарова Россия томони Ўзбекистон томонидан воқеа юзасидан расмий тушунтириш беришни сўраганини билдирди. Унинг сўзларига кўра, Москва бу масалани "энг диққат марказида" тутмоқда.

Бунга жавобан Алишер Қодиров “Бизни ички ишларимиз ҳақида бош қотиргунча муаммоларга тўла ўзларининг ишлари билан шуғулланишса тўғри бўлар эди”, деганди. Ўзбекистон журналистика ва оммавий комуникациялар университети ректори Шерзодхон Қудратхўжа эса Ўзбекистон ички ишларига ташқаридан аралашувни қабул қилмаслигини айтди. Республика Маънавият ва маърифат маркази раҳбари Отабек Ҳасанов эса “фикр берувчи”, “йўл кўрсатувчи”ларга асло эҳтиёж йўқлигини таъкидлади.

Воқеалар фонида Россия Ташқи ишлар вазирлиги Ўзбекистоннинг Москвадаги элчиси Ботиржон Асадовга тақдимнома киритди.

Мақола муаллифи

Алибек Бейжанов

Теглар

Россия Ўзбекистон Сергей Лавров Бахтиёр Саидов

Баҳолаганлар

Рейтинг

Мақолага баҳо беринг

5 stars 4 stars 3 stars 2 stars 1 stars

Дўстларингиз билан улашинг

online_predictionLive

Барчасиcall_made

Бунёд Мамажонов Учтепа тумани ҳокими этиб тайинланди

У 2020 йилдан шу кунга қадар "Асакабанк" бошқаруви раисининг ўринбосари лавозимида ишлаб келаётганди.

26 Сентябрь

Қозоғистонда Ўзбекистондан келтирилган 2,5 тонна шафтолида зараркунанда аниқланди

Агросаноат комплекси Ақтўбе вилояти ҳудудий инспекцияси томонидан Ўзбекистондан келтирилган шафтоли партиясида карантин зараркунандаси – шарқ мевахўри (Grapholita molesta Busck) борлиги аниқланди.

26 Сентябрь

Жиззахда ҳовлисида наша етиштириб келган яна бир қатор шахслар қўлга олинди

Шароф Рашидов ва Дўстлик туманларида фуқаролар ҳовлисига гиёҳвандлик моддасини экиб парваришлаб, сақлаб келган.

26 Сентябрь

Ўзбекистонда 5 мингдан ортиқ ҳиндистонлик талаба таҳсил олмоқда

Ўзбекистоннинг Ҳиндистондаги элчиси Сардор Рустамбоев ҳинд ёшлари Ўзбекистонда ахборот технологиялари, тиббиёт ва фармацевтика соҳаларида мутахассислик олишаётганини қайд этди.

26 Сентябрь

Тошкентнинг Сергели, Юнусобод ва Олмазор туманларида 26 ҳамда 27 сентябрь кунлари “свет” вақтинча ўчирилади.

26 Сентябрь

Тошкентдаги мактабда рус тили фанида содир бўлган ҳолат юзасидан Россия Ўзбекистондан тушунтириш талаб қилди.

26 Сентябрь

Хоразмда 33 ёшли эркак эҳсон қутисидаги пулларни ўғирлаётганда қўлга тушди

Ҳозирда мазкур ҳолат юзасидан туман ИИБ масъул ходимлари томонидан суриштирув ишлари олиб борилмоқда.

25 Сентябрь

Илҳом Алиевга кўп мақсадли JF-17C самолёти совға қилинди.

25 Сентябрь