Майк Тайсон блогерни нокаут қилишини айтди
Спорт
−
20 Август 3824
Афсонавий оғир вазн тоифасидаги чемпион Майк Тайсон ва шов-шувли ижтимоий тармоқ юлдузи Жейк Пол ўртасидаги бўлажак бокс жанги бутун интернет оламида қизғин баҳсларга сабаб бўлди. Тайсон 18 август куни Нью-Йоркда бўлиб ўтган матбуот анжуманида жанг ҳақида гапирар экан, Пол ҳақида ҳам фикр билдирди.
“Биз шунчаки фактларни тинглашимиз керак. Шуни унутманг, You Tube блогери тарихдаги энг буюк боксчига қарши жангни режалаштирди”, деган Тайсон.
Америкалик актёр, видеоблогер Жейк Пол тарихдаги энг машҳур ва таниқли профессионал боксчи Майк Тайсонга қарши рингга кўтарилмоқчилигини билдирган. Тайсон эса Жейк Полни нокаут қилишни режалаштирмоқда.
Бокс кечаси жорий йилнинг 15 ноябрь куни АҚШнинг Техас штати Арлингтон шаҳридаги “Dallas Cowboys” стадионида ўтказилиши режалаштирилган. Жанг дастлаб жорий йилнинг 20 июль кунига белгиланган эди. Бироқ Тайсоннинг соғлиғи туфайли жанг санасига ўзгартириш киритилган.
Майк Тайсон ўзининг сўнгги профессионал жангини 2005 йилда ўтказган.
Икки вазн тоифасида собиқ UFC чемпиони Генри Сехудо “Give me Sport” подкастида афсонавий америкалик боксчи Майк Тайсон ва профессионал бокс жангларида иштирок этаётган видеоблогер Жейк Пол ўртасидаги бўлажак жанг ҳақида ўз фикрлари билан ўртоқлашар экан, 57 ёшли Майк Тайсонга бу шоу учун 20 миллион долларга яқин тўланиши ҳақида айтган.
Эслатиб ўтамиз, аввалроқ ўзбекистонлик боксчиларнинг WBC'даги рейтинги эълон қилинганди.
