Лукашенко ЕОИИ саммитида Пашинян билан тортишди (видео)

Беларусь резиденти Александр Лукашенко кеча, 26 декабрь куни Санкт-Петербургда бўлиб ўтган ЕОИИ саммитида йиғилишга онлайн форматда қатнашган Арманистон Бош вазири Никол Пашинян билан тортишди.

Арманистон 2024 йилда ЕОИИ раиси ҳисобланади, аммо Пашинян бир кун аввал коронавирус ташхиси қўйилганлиги сабаб саммитга бормаган эди.

Суҳбат бошида Лукашенко ЕОИИнинг кейинги саммитини 2025 йилнинг май ойи охирида Минскда ўтказишни таклиф қилган, лекин Арманистон Бош вазири Никол Пашинян Минскдаги саммитга ҳам бормаслигини айтган.

“Агар кузатувчилар бизнинг иттифоқимизга қизиқиш билдирса, мен улардан телевизор орқали биз билан қандай ҳамкорлик қилишларини айтмасдан йиғилишларда қатнашишларини сўраган бўлардим. Никол Пашинян, бу сизга тегишли эмас, биламизки, сиз нафақат соқолингизни олдиргансиз, балки бироз касал бўлиб қолгансиз. Шунинг учун биз сизни иттифоқимизнинг янги аъзоси сифатида қабул қиламиз, ҳеч бўлмаганда ташқи кўринишда“, деган Лукашенко.

Бунга жавобан Пашинян Минскда Арманистон делегацияси бўлмаслигини айтган.

“Муаммо нимада? Арманистон Минскдан узоқми ёки сизни келтирадиган ҳеч ким йўқми? Агар керак бўлса, делегациянгизни етказиб беришни ташкил қиламиз”,  дея жавоб қайтарган Лукашенко ва арман томонининг таклифи кўриб чиқилишини айтган.

“Нимани кўриб чиқиш керак? Сиз менинг аризамни кўриб чиқа олмайсиз, чунки менинг аризам кўриб чиқилмайди”, деб кескин жавоб қайтарган  Арманистон Бош вазири.

Шунда Арманистон Бош вазири телевизор орқали иштирок этишга рози бўлган. Лукашенко эса Минскда “телевизор бўлмаслиги” мумкинлигини таъкидлаган. Бунга Пашинян: “Ҳеч қандай муаммо йўқ”, дея жавоб берган.

Эслатиб ўтамиз, Никол Пашинян жорий йилнинг июнь ойида Беларусда Лукашенко ҳукмронлик қилар экан, ҳеч бир арман амалдори у ерга бормаслигини айтганди.