Истанбулда Россия ва АҚШ вакиллари учрашади

Эртага, 27 февраль куни Туркиянинг Истанбул шаҳрида Россия ва АҚШ вакиллари ўртасида учрашув бўлиб ўтади. Томонлар икки давлат элчихоналарининг фаолиятини муҳокама қилади. Бу ҳақда Қатар пойтахти Дохада расмий ташриф билан бўлиб турган Россия Ташқи ишлар вазири Сергей Лавров маълум қилди.

Билдирилишича, учрашувнинг асосий мавзуси – Россия ва АҚШ дипломатик ваколатхоналарининг ишига тўсқинлик қилаётган муаммоларни бартараф этиш.

“Учрашув якунларига кўра, биз жараённинг қанчалик тез ва самарали давом этиши мумкинлигини тушунамиз”, дейди Лавров.

Шунингдек, у Украина билан боғлиқ вазият юзасидан саволларга жавоб берар экан, тўқнашув чизиғида ҳарбий ҳаракатларни тўхтатиш режалаштирилмаганини, чунки Россияда халқ иродасига асосланган Конституция борлиги айтган.

Россия Ташқи ишлар вазирининг фикрича, Европа Украинадаги можарони ҳал қилишга қаратилган жараённи издан чиқаришга уринмоқда. Бундан ташқари, Лавров Россия Эвропа тинчликпарвар кучларини можаро зонасига жойлаштириш вариантларини кўриб чиқмаётганини таъкидлаган.

“Москва билан ҳеч ким бундай масалани муҳокама қилгани йўқ. Макрон Вашингтонда шошилинч сулҳ зарурлиги, тинчликпарвар кучларни киритиш ва кейин ҳудудлар, аҳоли тақдири ва низоларни ҳал қилиш тамойиллари ҳақида музокаралар олиб бориш кераклиги ҳақида гапирди. Буларнинг барчаси ёлғон. Келишувга бориб, Украинани яна қуроллантириш учун вақт ютиш – ягона мақсад бўлса, бунга рози бўлиш мумкин эмас”, деди Лавров.

Шунингдек, Лавров Россиянинг музлатилган активларини қайта ишга тушириш борасида ҳозирча ҳеч қандай музокаралар бўлмаганини айтди.

Эслатиб ўтамиз, аввалроқ Россия Президенти матбуот котиби Дмитрий Песков Ар-Риёдда ўтказилган музокаралар чоғида мамлакатлар ўртасидаги муносабатларни тиклаш учун биринчи қадам ташланганини айтган эди. Шу билан бирга, у Россия-Америка муносабатлари қайта жонлантириш, кейин эса тиклаш кераклигини таъкидлаган.