Исроил 369 фаластинликни озод қилди

Бугун, 15 февраль куни Исроил 369 фаластинлик маҳбусни озод қилишни бошлади. Бу ҳаракат Ғазо секторида ушлаб турилган уч нафар исроиллик асирнинг озод қилинишига жавобан амалга оширилмоқда.  Бу ҳақда “Ал-Jazeera” нашри хабар берди.

Қайд этилишича, бу маҳбуслар Исроил томонидан асоссиз айбловлар ёки суд ҳукмисиз қамоқда сақланган. Ушбу алмашинув сулҳ тузилгандан бери энг йирик озодлик операцияси ҳисобланади.

Маҳбусларнинг аксарияти Ғазода ҳибсга олинган ва яна ўша ерга қайтарилади. Маҳбусларнинг 10 нафарга яқини босиб олинган Ғарбий Соҳилга, бири босиб олинган Шарқий Қуддусга, қолганлари эса Миср орқали бошқа қабул қилувчи давлатларга жўнатилади.

Ушбу жараёндан олинган кадрларда Ғарбий Соҳилга етиб келган фаластинлик маҳбусларни қариндошлари ва уларни қувонч билан кутиб олгани кўринади. Энг диққатга сазовор озод қилинган шахслар орасида 48 ёшли Аҳмад Баргути ҳам бор. У машҳур фаластинлик сиёсий арбоб Марвон Баргутининг яқин маслаҳатчиларидан бири саналади.

ҲАМАС ҳаракати озод қилган 3 нафар асир – америка-исроиллик Сагуи Декел-Чен, россия-исроиллик Александр Саша Труфанов ва аргентина-исроиллик Яир Ҳорн – Қизил Хоч халқаро қўмитаси аъзоларига топширилган. Ушбу жараён Ғазонинг жанубидаги Хон Юнус шаҳрида ўтказилган.

Декел-Чен, Труфанов ва Ҳорн қўйиб юборилиш сертификатлари ва Фаластин харитасини кўтариб олишган. Улар тиббий кўрикдан ўтиш ва оилалари билан учрашиш учун Исроилга қайтарилган.

Eslatib o‘tamiz, 2025 yilning 16 yanvar kuni Isroil, HAMAS, AQSH va Qatar vakillari Dohada G‘azo sektorida garovga olinganlarni ozod qilish va o‘t ochishni to‘xtatish bo‘yicha kelishuvni rasman imzolagandi. Kelishuv 19 yanvar kuni kechqurun kuchga kirdi va HAMAS uch nafar shaxsdan iborat birinchi asirlar guruhini ozod qildi. Isroil esa 90 falastinlik mahbusni ozod qilgan. 25 yanvar kuni sulh kelishuvining birinchi bosqichi doirasida asir almashishning ikkinchi raundida G‘azo sektorida saqlanayotgan to‘rt nafar isroillik ayol evaziga Isroil qamoqxonalarida saqlanayotgan 200 nafar falastinlik ozod qilindi. 1 fevral kuni HAMAS garovdagi 3 nafar isroillikni, Isroil esa 83 nafar falastinlik mahbusni ozod qildi. Shuningdek, 8 fevral kuni HAMAS garovga olinganlarni almashish bo‘yicha kelishuvning beshinchi bosqichi doirasida Qizil Xochga uch nafar garovga olingan isroillikni topshirdi. Isroil esa HAMAS 183 nafar falastinlik mahbusni ozod qildi.