Эркинжон Турдимов Самарқанддаги матбуот котибини чақириб олди

Local

−

04 February 2025 visibility29239 timer1 minute

Сирдарё вилояти ҳокими Эркинжон Турдимовнинг тегишли қарори билан Манучеҳр Бобораҳимович Мирзаев Сирдарё вилояти ҳокимлиги ахборот хизмати раҳбари, вилоят ҳокимининг матбуот котиби – ахборот сиёсати масалалари бўйича маслаҳатчиси лавозимига тайинланди. Бу ҳақда Сирдарё вилояти ҳокимлиги хабар берди.

Манучеҳр Мирзаев тайинловга қадар Самарқанд вилояти ҳокимлиги ахборот хизмати раҳбари, вилоят ҳокимининг матбуот котиби – ахборот сиёсати масалалари бўйича маслаҳатчиси лавозимида фаолият олиб борган. Лавозимга тайинлов Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги хулосасига кўра амалга оширилган.

Эслатиб ўтамиз, аввалроқ 2018-2024 йилларда Самарқанд вилояти ҳокими сифатида фаолият юритган Эркинжон Оқбўтаевич Турдимов Сирдарё вилояти ҳокими вазифасини бажарувчи этиб тайинланганди.

Author