Erkinjon Turdimov Samarqanddagi matbuot kotibini chaqirib oldi

Sirdaryo viloyati hokimi Erkinjon Turdimovning tegishli qarori bilan Manuchehr Boborahimovich Mirzayev Sirdaryo viloyati hokimligi axborot xizmati rahbari, viloyat hokimining matbuot kotibi – axborot siyosati masalalari bo‘yicha maslahatchisi lavozimiga tayinlandi. Bu haqda Sirdaryo viloyati hokimligi xabar berdi.

Manuchehr Mirzayev tayinlovga qadar Samarqand viloyati hokimligi axborot xizmati rahbari, viloyat hokimining matbuot kotibi – axborot siyosati masalalari bo‘yicha maslahatchisi lavozimida faoliyat olib borgan. Lavozimga tayinlov O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi xulosasiga ko‘ra amalga oshirilgan.

Eslatib o‘tamiz, avvalroq 2018-2024 yillarda Samarqand viloyati hokimi sifatida faoliyat yuritgan Erkinjon Oqbo‘tayevich Turdimov Sirdaryo viloyati hokimi vazifasini bajaruvchi etib tayinlangandi.