Баҳодир Жалоловнинг автомобилига 2 минг доллардан қиммат рақам совға қилинди
Спорт
−
06 Ноябрь 2019
26155Жорий йилнинг сентябрь ойида Россиянинг Екатеринбург шаҳрида ўтган бокс бўйича юбилей 20-жаҳон чемпионатида +91 кг вазн тоифада иштирок этиб, олтин медаль билан қайтган боксчи Баҳодир Жалоловга Ўзбекистон Республикаси Президенти совғаси – Malibu автомобили совға қилинган эди.
Баҳодир Жалоловнинг янги автомобили учун янги эксклюзив авторақам 01 B007JA совға қилинди. Бу ҳақда у ўзининг ижтимоий тармоқлардаги саҳифасида маълум қилиб, “Совға учун раҳмат” деб изоҳ ёзиб қолдирган, аммо совға муаллифини очиқламаган.
Гап шундаки, ушбу авторақамнинг нафақат рақамлари чиройли, балки ҳарфлари ҳам спортчининг исм-фамилияси бош ҳарфларини англатади. Авторақамлар онлайн аукционида эса бундай рақамларнинг бошланғич нархи 22 300 000 сўмни ташкил этмоқда.
Дарвоқе, Баҳодир Жалоловга Президент совғаси – Тошкент шаҳри Қори Ниёзий кўчасида жойлашган уй-жойлардан бири ҳам топширилган эди. Шунингдек, Сурхондарё вилояти ҳокимлиги томонидан 200 000 000 сўм пул мукофот ҳам топширилган эди.
LiveБарчаси
07 Ноябрь 2023
07 Ноябрь 2023
07 Ноябрь 2023
07 Ноябрь 2023