Австралияда самолёт океанга қулаб тушди
Олам
−
06 Февраль 4006 1 дақиқа
Австралиянинг жанубий қирғоғида жойлашган пляж яқинида енгил самолёт океанга қулаб тушди. Бу ҳақда Жанубий Австралия полициясига таяниб, ABC News хабар берди.
Маълумотларга кўра, бугун, 6 февраль куни маҳаллий вақт билан соат 16:30 атрофида маҳаллий Фавқулодда хизматларга енгил самолёт билан боғлиқ авария ҳақида хабар келиб тушган. Воқеа Гулва-Саут яқинидаги Лонг-Бэй ҳудудида содир бўлган.
Воқеа жойига Муррей дарёсининг қуйилиш қисми томон қутқарув кучлари зудлик билан етиб борган. Қидирув-қутқарув ишларига полиция вертолёти, денгиз қутқарув хизмати ҳамда учта ёнғин ўчириш экипажи жалб этилган.
Ҳозирча ҳодиса оқибатида жабрланганлар ёки қурбонлар бор-йўқлиги ҳақида расмий маълумот берилмаган.
Эслатиб ўтамиз, жорий йилнинг 28 январь куни Колумбияда бортида экипаж аъзолари ва йўловчиларни қўшиб ҳисоблаганда 15 киши бўлган Beechcraft 1900 русумли йўловчи самолёти ҳалокатга учраганди.
Live
Барчаси
