Афғонистонда АҚШ томонидан тузилган махсус бўлинма “Толибон”га таслим бўлди

Афғонистон шарқидаги Хост вилоятини мудофаа қилиш учун тузилган махсус бўлинма – Khost Protection Force (KPF) “Толибон” жангариларига таслим бўлди.

“KPF АҚШ томонидан тузилган махсус бўлинма бўлиб, Афғонистон ҳукумати уни назорат қилмаган. Улар Хост, Пақтия ва Пактика вилоятларида жойлашган бўлиб, минглаб одамларни судсиз қатл этиши билан танилган”, деган маҳаллий журналистлардан бири.

Маълумотларга кўра, Два Манда уездида 6 минг аскар 1200 та автомобилда толибларла таслим бўлган. Ижтимоий тармоқларда бўлинма радикалларга таслим бўлгани акс этган видео тарқалди.

The demise of #KPF

Troops from the Khost Protection
Force (KPF) have reportedly mass surrendered to the Taliban in
Dwa Manda distric of Khost. It is said that they were around 6000 in numbers, with 1200 vehicles.The Taliban have accepted their surrender. 1/3 pic.twitter.com/YRY51RQ1ri

— Naseeb Zadran (@NaseebKhanZ) August 16, 2021

Таъкидланишича, Хост вилояти толиблар назоратига ўтганида, KPF аскарлари жангариларнинг қасосидан қўрқиб қўшни Пақтия вилоятига қочишга уринган. Бироқ “Толибон” жангарилари уларни Два Манда уездида тўхтатган.

Қайд этиш керакки, Афғонистон Ислом Республикаси энди йўқ. Жорий йилнинг 15 август куни ҳокимият “Толибон” ҳаракати назоратига ўтди. Улар эса бир вақтлар мавжуд бўлган Афғонистон Ислом Амирлигини қайта тузмоқчи. Президент Ашраф Ғани истеъфо берганини ҳамда мамлакатни тарк этганини маълум қилди. Бошқарувсиз қолган Афғонистон ҳарбийлари мамлакатдан қочишга ҳаракат қилмоқда.