Ўзбекистоннинг тўрт жамоаси ОЧЛда иштирок этади
Sport
−
23 August 2023 8508 1 minute
Кеча, 22 август куни футбол бўйича Осиё Чемпионлар лигасининг (ОЧЛ) саралаш ўйинлари бўлиб ўтди. Ўзбекистоннинг икки клуби ОКМК ва “Навбаҳор” саралашда Қатар жамоалари билан тўқнаш келиб, ғалаба қозонди.
Ҳар икки ўйинга Қатар мезбонлик қилди. Миржалол Қосимов мураббийлигидаги Олмалиқнинг ОКМК клуби “Ал-Араби” билан баҳс олиб бориб, кичик ҳисобда зафар қучди. Ягона голни 70-дақиқада Олмалиқнинг испаниялик легионери Рубен Санчес киритди.
Самвел Бабаян бошчилигидаги Наманганнинг “Навбаҳор” клуби “Ал Вакра” билан тўқнаш келди. Ўйиндаги ягона гол қўшимча бўлимнинг биринчисида Дониёр Абдуманнопов томонидан киритилди.
Шундай қилиб, “Навбаҳор” ва ОКМК ОЧЛнинг 4-саватидан жой олди. Бу жамоалардан ташқари “Пахтакор” ва “Насаф” мусобақада Ўзбекистон шарафини ҳимоя қилади. 24 август куни Куала-Лумпурда гуруҳ босқичига қуръа ташланади.
Live
AllIspaniya migrantlarni Seutani tark etishga majbur qilish uchun ularni suv va o'tsiz qoldirmoqda
17:40
Toshkentdagi o'pirilib tushgan yo'l o'tkazgich qurilishida 7,4 mlrd so'm eb yuborilgani ayon bo'ldi
17:28
